ភ្នំពេញ៖ ក្នុងជំនួបរវាងប្រធានអាស៊ាន និងលោកអនុប្រធានាធិបតីឥណ្ឌា Jagdeep Dhankhar នាព្រឹកថ្ងៃទី១២ ខែវិច្ឆិកា ថ្នាក់ដឹកនាំកំពូលទាំងពីរបានប្តេជ្ញាលើកកម្ពស់នៃទំនាក់ទំនងរវាងប្រទេសទាំងពីរឱ្យកាន់តែរឹងមាំបន្ថែមទៀត។

ជំនួយការសម្តេចតេជោ ហ៊ុន សែន គឺលោក អ៊ាង សុផាល្លែត បានគូសបញ្ជាក់ថា ថ្នាក់ដឹកនាំកំពូលទាំងពីរបានពិភាក្សាគ្នាលើទំនាក់ទំនងជាប្រវត្តិសាស្ត្ររវាងប្រទេសទាំងពីរ។

ជាពិសេសមេដឹកនាំកំពូលទាំងពីរបានយល់ស្របគ្នាលើកកម្ពស់បន្ថែមទៀតនៃទំនាក់ទំនងរវាងប្រទេសទាំងពីរ តាមរយៈបន្តជំរុញភាពស្ថាបនានៃទំនាក់ទំនង លើវិស័យដែលមានស្រាប់ផង បន្ថែមទៅដោយការយកចិត្តទុកដាក់ពង្រឹងទំនាក់ទំនងរវាងប្រជាជននិងប្រជាជន លើវិស័យពាណិជ្ជកម្មនិងវិស័យដទៃទៀតដែលជាសក្ដានុពល របស់ប្រទេសទាំងពីរ៕